ليه الاوردر بيتاخر ؟؟؟؟

يوميات الحل

داخلى صيدلية

انا واقفة فى بداية السنة الجديدة وكنا بنوزع نتايج راس السنة وكل العمال بيوزعوا

ومشغولين فى التوزيع
محمد وتامر واشرف واسماعيل بيوزعوا نتايج
سيد وربيع ومصطفى للاوردارات

كنت عاملة للعمال اجتماع
-مش معنى انى بوزع نتايج انى اوقع الاوردارات
توزيع نتايج هيزود سرعة الاوردارات لذلك لازم تودوا الاوردر بسرعة جدا
ومش عاوزة تاخير وانا حاطة تلاتة فى الشفت يعنى ان شاء الله تمام

وانتهى الاجتماع
وخرج كل الى بيوزعوا النتايج

وبدا اليوم
تررررررن
الو
الزبون
اوردر
الدكتور بيحضر الاوردر _ربيع اطلع بسرعة
وقبل ان يطلع ربيع يرن التليفون
تررررررررررررن
استنى
الدكتور_ والزبون اوردر
الدكتور يحضر الاوردر
ربيع يطلع بالاوردرين

ترررررن
الدكتور الصيدلية الو
الزبون ميرسى على النتيجة الجميلة دى اوردر

تعال ياسيد اطلع الاوردر
تعال ياسيد فيه waiting
الو ____اوردر
اطلع ياسيد
ويتاخر سيد جدا
ويعود ربيع مسرعا

وتررررن

اطلع ياربيع
خاضر يادكتور

وييجى سيد يتمخطر

اطلع ياسيد
حاضر يادكتور
ويطلع سيد

ويعود ربيع مسرعا
ويتاخر سيد

وهكذا

سيد خذ الاوردرين دول
واحد فى 69___-وواحد فى 70
يعنى الاوردرين جنب الصيدلية جدا المشوار مايخدش بجد سبع دقايق

اتاخر سيد ربع ساعة

التليوفون بيرن
بسرعة ياربيع
انا طالع يادكتور

_ الوا ايوا ياشرف ممكن تسيب التوزيع وتيجى الصيدليةسيد موقع الشغل
_الو خاضر يادكتور

وجاء اشرف
ومضىت ربع ساعة اخرى

وجاءنى تليفون من امى
_ممكن تطلعيلى عاوزاكى ضرورى
-طبعا اتحضيت عليها وجريت على البيت
" اناا ساكنة فى 69

وانا فى طريقى الى البيت بعد نص ساعة من خروج سيد ومعاه اوردرين
وجدته قاعد على الرصيف بيلعب فى الموبيل بتاعه بيمع النغمات ومنهمك لدرجة انه مش شايفنى

وطبعا زعقت فيه اتخض وقال
- انا كنت براجع الباقى اصل الزبون قالى ان الباقى كدا ناقص
-ونظرت الى الاوردرين فى يده وقلت له
_اذا كان الاتنين فى ايديك انت ماطلعتش ولا اوردر لسه
-لا يادكتور انا جيت اطلع البواب قالى انا بمسح و__
- يعنى الزبون قالك الباقى ناقص
-اه قال الباقى
_انت شوفت الزبون فين والبواب قالم ماتطلعش
_واسقط فى يده وسكت

اجرىىىى ياسيد على الاوردرت

طلع ايه سر الجبنة الاسطنبولى ياترى ...؟

يوميات الحل

داخلى صباح صيدلية

-هانى
-نعم
انا عاوزة ابعتك السوبر ماركت
-مشى يادكتور
-عاوزة ايه يادكتور
-عاوزة جبنة اسطنبولى وباتون ساليه
-حاضر يادوكتورة

وخرج هانى وعاد بعد قليل
-انا جبت الباتون سالية بس مالقيتش جبنة اسطنبولى
-ليه بس
-على اعموم انا جبتلك جبنة قريش
-انا مش بخبها ياهانى دا جميلة يادكتور
-طيب امرى لله خذ ياهانى
"واعطيته قطعة من الجبنة القريش الباتون ساليه
وهو كان جايب معاه عيش لنفسه قلت كويس

وبعد ايام
هانىى
-عاوزة جبنة اسطنبولى
-وخرج وعاد
-مافيش يدكتور
-طيب خذ ياهانى "واعطيته الجبنة القريش

وبعد ايام

تكررنفس المشهد
عاوزة جبنة اسطنبولى
مافيش يادوكتور
خذ ياهانى الجبنة

فى كل مرة الاحظ ان هانى جايب عيش لنفسه بس مكانتش باخذ بالى انه مش جايب غموس لنفسه واستغربت

والمرة دى

هانى المرة دى هتجيبلى جبنة اسطنبولى ولو مالقيتهاش ماتجيبليش حاجة انا مش عاوزة حاجة غيرها
هانى _حاضر يادكتورة بس خلينى اجيبلك نوع تانى
-قلت لا
وخرج هانى وعاد قائلا
-مافيش يادكتور وجاب لى بردوا جبنة قريش
- انت رحت انهى سوبر ماركت
-الاتنين يادكتور
-بعد دقيقة واحدة

خرجت من الصيدلية متجه الى السوبر ماركت وانا متغربة اازى مايبقاش فيه جبنة اسطنبولى ومافيش سوبر ماركت مافيهوش وليه فجاة كدا بقت الاسطنبولى عزيزة ومش موجودة

-السلام عليكم
-وعليكم السلام يادكتورة
-ليه مافيش اسطبولى
- ازاى مافيش "مين قال مافيش
-اه دا اصل .....اه اوكى انا اسفة"ادينى ب5جنيه سلامو عليكوا

-داخلى صيدلية
هانى
-اشرت له بالجبنة
-قلت "عاوز افهم"
-قال "مش ... انا ..اصل ..بصى حضرتك اصل
- هانى قولى ليه بتقولى لا ليه
-اقولك يادكتورة بس اوعيدينى انك ماتزعقيش
-اوعدك
- قال _اصل انا ببقى عارف انك هتيدنى منها حتة وانا مابحبش الاسطنبولى فلذلك بجيب اللى انا بحبها الى من غير ملح

هى عاوزة اسطنبولى .... وانا مبكولهاش ..

لغز

ليه لما بطلب من العامل يجيبلى جبنة اسطنبولى بيرجع يقولى مافيش اسطنبولى ويجيبلى بدالها قريش

مسالة حياة او موت؟ طب وأنا مالى

يومبات

داخلى ليل "انا فى البيت" والجو عاصف
الساعة 12 الا ربع
"بقول لاامى "ماما قومى نامى انتى شكلك تعبان
ماشى اطفى االنور
حاضر

وبعد حين طفينا النور ورحنا فى النوم

وطغى الصمت والهدوء فى يوم حافل وسادت السكينة فى جو البيت واستسلمنا
للنوم الذيذولايقطع الصمت الا صوت هطول المطر وبين الحين والاخر يومض البرق ويرتفع صوت الرعد


بعد نص ساعة

تررررررررررررررررررررررن
ترررررررررررررررررررررررن
تررررررررررررررررررررررن
تررررررررررررررررررررررررررن
وساد الصمت

وعاد التليفون
ترررررررررررررررررررررررررن
ترن ترن

ورفعت السماعة
"كنت ادعو فى نفسى "يارب سلم يارب سلم ومتبقاش كارثة فى الصيدلية او حد جرى له حاجة

وقلت السلام عليكم "فى صوت يعبر عن القلق
"قال "وعليكم السلام ورحمة الله وبركاته
قلت "اتفضل مين حضرتك
قال "مين معاى "
قلت وانا اصارع قلقى وقلبى يدق
"حضرتك الى مين اامرنى
"قال "د عبير معاى؟
ايوا اتفضل
"الحقيقة انتى ماتعرفنيش بس انا عاوز منك خدمة ضرورى ومافيش حد هياعدنى فيها الا خضرتك

ولم تزل كلماته قلقى ولانى لم افهم شيئا فقلت بحدة واضخة
" ممكن حضرتك تدخل فى الموضوع "
"ايوا انا شاب وساكن جنبكوا وعاوز اخطب الدكتورة الشفت عند حضرتك
.........راودتنى نفسى ان اغلق السماعة فى وجهه او اعبر عن غيظى بشكل ما ولكنى تمالكت نفسى وكظمت غيظى وقلت

"قصدك انهى دكتووه فيهم انا عندى اتنين *
"قال "اى واحدة فيهم توافق على انا راضى بيها"
قلت "وقد تحول الغيظ الى ذهول شديد
"ازاى الكلام دا ؟؟؟؟؟؟؟؟؟ينفع كدا
"الحقيقة يادكتورة انا الاتنين عاجبونى واى واحدة فيهم بالنسبالى هتبقى كويسة
تحول الذهول الى ضحك وقلتله
" اهى دى نكتة ......طب اعمل ايه دلوقتى ابدا بمين يعنى
"قالى "زى مايعجبك ...انا هكلمك بكرة علشان اعرف انتى كلمتى مين وقالت ايه
قلت اوكى

قال تصبحى على خير يادكتورة انا ازعجتك ولا حاجة
قلت وانا اعض على يدى من الغيظ" لا ابدا ان شاء الله يبقى خير

واغلقت السماعة وقلت لنفسى
"عشنا وشفنا "


اتصلت بالصيدلية رد على د كتور الشفت
دكتور انت اديت تليفون بيتى لحد
ايوا يادكتورة اديته لوحد قال انه قريبك وانه عاوزك فى مسالة حياة او موت

قلت"ياسلاااااااااااااااااااااااااااااااااام
قال "ايه ياسلام دى يادكتورة
قلت "وانا مغتاظة وضخكت من رده
"دكتور انا مبسوطة منك موت
قال الحمد لله انك مبسوطة يادكتور
قلت "دكتور لما حد يقولك مساله حياة او موت سيبه يموت
قال "ياسلاااااااااااااااااااااااااااااام
وضحكت قائلة
"ايه بااسلام دى يادكتور
واغلقت السماعة
ورجعت الى السرير وعاد السكون والهدوء الذى لايقطعه الا صوت المطر

وطبعا اترفض من الاتنين
ومنابنيش الا الازعاج

وعجبى

العامل بيتوضأ

اما ريحة الصيدلية الوحشة

فكانت العامل خلع الجزمة "الشوزة " يتاعته علشان يتوضا ويصلى
ربنا يتقبل منه ومنا اجمعين

ليه ريحة الصيدلية وحشة ؟؟؟؟؟

دخلت مرة الصيدلية لقيت ريحتها وحشة جدا ؟؟؟؟؟

تفتكروا ليه ؟؟؟؟؟
تهديد ووعيد

اى حد هيدخل ومش هيرد هديله حقنه tri b
"الحقنة دى فيتامين بتحرق جدا "

موقف خنىء جدا

يوميات "موقف خنىء جدا"

يوم الثلاتاء صباح داخلى صدلية

الزبون "لو سمحتى يادكتورة انا عاوز حاجة للزور"

الدكتوة "حاجة للزور مص ولا مضاد حيوى "

الزبون "لا مضاد"

الدكتورة "الدوا دا مختص بالام الزور وبابتاخذه حضرتك كل 12 ساعة
واعطته septrin ds

الزبون "حاضر يادكتورة "


تانى لقطة "داخلى بردوا صباح يوم السبت

ترررررررررررن
الزبون "الو
ايوا
"لو سمحتى اخذت دوا من يومين وعاوز ارجعه
"حاضر " هبعثلك المساعد ياخذه
وذهب محمد تامر

ترررررررررررن
ايوا يادكتور بيتكلم من الموبيل بتاعه
ايوا يامحمد
الزبون واخذ 6حبات من الشريط "ملحوظة الشريط فيه 10حباتارجعه ازاى
الدكتورة "لا طبعا ماتاخذوش
محمد للزبون "حضرتك استخدمت الدوا ماينقعش يرجع كدا "
الزبون "يعنى ايه ماينفعش يرجعانا واخده علشان الزور وماعملش نتيجة معاى وزورى لسه بيوجعنى
يبقى لازم ارجعه وتدينى بداله حاجة تانية بثمنه"باعتبار ان احنا محل جزم"
محمد "اسف مش هينفع
الزبون قائلا وهو بيزعق " انا مش هتعامل معاكو ابدا انتو بتتامرو على ايه فى الف صيدلية ممكن اتعامل معها
وانا مش هطلبكو تانى
وطررررررررررررررررررراخ رزع الباب فى وش محمد


داخلى صيدلية
محمد لزميله
" انا كنت هضربه والله هضربه اعمل ايه اروح اضربه

حمادة تف على الزبونة

يوميات

او ل لقطة "خارجى صباح بجانب الصيدلية

عم ابراهيم البواب " د عبير انا عاوز اطلب منك خدمة
د عبير "اتفضل ياعم ابارهيم
عم ابراهيم البواب "عندى واحد عاوز يشتغل معاكى
د عبير "ماشى ياعم ابراهيم

تانى لقطة "داخلى صيدلية "
"عم ابراهيم داخل ومعاه حمادة "

عم ابراهيم البواب "يادكتورة حمادة اهو "
د عبير "ازيك ياحمادة"

حاضر ياعم ابراهيم انا هشغله "

واشتغل حمادة

ثالت لقطة
داخلى صيدلية دعبير بتتكلم بالتليفون وهى قاعدة على المكتب
د عبير "وهى ببتكلم بالتليفون سمعت دكتورة الشفت بتزعق جامد قوى للواد حمادة

اغلقت السماعة وقلت للدكتورة الشفت
"بتزعقى ليه يادكتزرة "

مافيش حاجة ياد عبير

ترررررررررررررن ترررررررررررن

ردت "صيدلية د عبير السلام عليكم "اه ......ايوا ؟؟؟؟.....اسفه ؟؟.......لا طبعا ....مايصحش طبعا...
امسحيها فى ......حاضر خاضر

واغلقت السماعة

فلت "فيه ايه يادكتورة "
قالت "مافيش يادكتورة "

ترررررررررررررررررن وردت على التليفون

اما انا فدخلت زبونة وقمت اكلم معاها ومشيت بسرعة وسرحت

ومن باب الصيدلية شفت واحدة ست تخينة
واقفة قدام الصيدلية وحواليها بنت شابة وهم الاثنين ماسكين شاب من ايديه بيمنعوه انه يدخل الصيدلية

معرفش مين قالى ايه .بصيت تانى لقيتهم مشيوا

قلت فى عقل بالى ياترى الولد كان ماله مدمن ولابيتعاطى ربنا يهديهم

ترررررررررررررررررررررنررنرررررررررررررررررن

وانقطع حبل افكارى برن التليفون

ردت د كتورة الشفت " اه لا ماقولتلهاش .....حاضر ونادتنى د عبير كلمى تليفون

واخذت السماعة "وقلت الاتى
"اهلا بحضرتك "
طبعا تخت امرك
ايوا ...........ها ... اييييييييييييييييييه .. لاحول ولاقوة الا بالله عمل ايه ؟؟؟؟؟؟؟
لا طبعا لا طبعا ....... الى تامرى بيه ايه الى يرضيكى انا تحت امرك ... انا هقطعه

انا حالا همشيه من الصيدلية
وكانت الزبونة معى على الخط حين
" ياحمادة ياحمادة "
ايوا
" سيب الى ايدك واخرج برة اطلع برة

ايه الى حصل ؟؟؟؟؟
طب ماتخمنوا
واى حد يدخل يسلم على دا السلام لله


حاجة ساقعه بييبس"ايوا بيبس" اما فى الصيدليةة فبنقول

ايوا اسبرينة ...حبايه صداع بنادولايه

يوميات الحل

صباح داخلى
تررررررررررررررررررررررن
دكتورة الشفت "صيدلية د عبير الو
الزبونة"لو سمحتى عاوزة اطلب اوردر
الدكتورة "اامرى حضرتك
الزبونة"عاوزة ابيكوجل -ديسفلاتيل-اقراص فحم
الدكتورة حاضر
الزبونة ميرسى

الدكتورة حضرت الاوردر بسرعة ونادت
"حمادة اطلع الاوردر دا
حمادا "حاضر

اللقطة التانية "خارجى صباح
حمادة بيخبط على باب الشقه
تن تن
فتحت بنت الزبونة الباب لحمادا
ايوا
حماده -الصيدلية
الزبونة -كام
حمادة -12 والباقى اهه

رن جرس التليفون عند الزبونة وفضل يرن كثير
اسرعت بنت الزبونة بغلق الباب ونسيت ان تعطى حمادة بقشيش
تحركت لحظة داخل البيت لتلحق التليفون سمعت والدتها بترد على التليفون

تذكرت انها مااعطيتش خمادة البقشيش
رحعت بسرعة وفتخت الباب علشان تلخق حمادة
"فتحت الباب وكا ن حمادو واقف بيتف على باب الزبونة للاسف التفة جث فى بنت الزبونة
حمادة طلع يحرى ورجع الصيدلية

داخلى صيدلية "الزبونة كلمت دكتورة الشفت واشتكت لها
انا دخلت الصيدلية بعد المكالمة
وبعد قليل جاءنى تليفون
"سمعت د الشفت بتزعق لحمادة"

سالت "انتى بتزعقى لحمادة ليه يادكتورة
الدكتورة "مافيش يادكتور

اللقطة التالته "خارجى شارع
الزبونة وبنتها وابنها امام الصيدلية

الابن "سيبينى ياماما
الام والبنت ماسكين الابن ومنعوه يدخل الصيدلية
نظرت اليهم من دون ان يكون لى اى خلفيه عن الموضوع وتعجبت هو الولد دا مدمن ولاايه ؟الله يكون فى عون الام وربنا يهدى هو لها

اللقطة الرابعة
ترررررررررررررررررررررن
ردت دكتورة الشفت "ايوا
الزبونة"لو سمحتى انتى قلتى للدكتورة عبير عن الموضوع
الدكتورة "للا لسه مقولتيلهاش
الزبونة "ممكن اكلمها لو سمحتى انا ابنى كان جاى يضربه وانا منعته
الدكتورة "حاضر
ونادتنى "تليفون


قلت "السلام عليكم
قالت "حصل وحصل وحصل
قلت لاحول ولاقوة الا بالله لا طبعا عندك حق طب ايه الى يرضيكى
قالت "انا مش بقطع ارزاق بس
قاطعتها "انا بقطع ... كدا هو بيسوء سمعتى انا لانه فى وشى انا شخصيا "
وناديت حمادة وهى معى على التليفون "
وجاء حمادة "اديته حسابه فورى وقلتله "اطلع برة "وطردته فى لحظتها

حمادة تف على الزبونة

بكرة هقولكو على العامل الى تف على الزبونة والخناقة الى حصلت
ادعولى ربنا يصبرنى

الحقونا نصاااااااب

سبحان الله الحمد لله

يوميا

ترررررررررررن تررررررررن
د كتورة الشفت "الو"
الزبون "الو صيدلية الدكتورة عبير
دكتورة الشفت "ايوا اامرنى
انا عاوز "بلافيكس 2,وعاوز انسولين ميكستارد بينفل ,وعاوز 4علب بيبى لاك 1"
دكتورة الشفت "حاضر العنوان "
الزبون "العنوان "عمارة الست طاطاشقة رقم 22222222
دكتورة الشفت "خمس دقايق ويبقى عند حضرتك "
وحضرت الاوردر جرى وهى بتقول
"انا عملت واو ياريت كل الاوردارات كدا . خلاص دا الاوردر دا لوحده عامل 800جنية ياسلام
يالا يامحمد اطلع جرى ودى الاوردر وقبل ان تكل كلامها
ترررررررررررررررررررررن
دكتورة الشفت "الو "
الزبون " انا اسف انا بستعجل الاوردر لانى نازل ضرورى حالا "
دكتورة الشفت شاورلت لمحمد "اجرى يامحمد "
وطلع الاوردر جرى علشان الزبون مستعجل جدا

دكتورة الشفت للزبون "هو فى الطريق لحضرتك "
الزبون "معليش اسف ابعتيلى معاه مضاد حيوى شرب اوجمنتين "
دكتورة الشفا "تحت امرك"



وبعد خمس دقايق

راجع العامل محمد
"يادكتورة دا عاوز علبة اوجمنتين "
"د الشفت خاضر
طب يادكتورة ادينى باقى 1000جنيه
حاضر

وطلع تانى

وبعد خمس دقايق "محمد راجع بسرعة "
محمد"دكتورة الزبون مستعجل واقف قدام بيته "جهزيله المضاد الحيوى "
وجهزت الدكتورة المضاد الحيوى الشرب

وانطلق محمد من جديد

بس المرة دى اتاخر

ربع ساعة ماجاش


نص ساعة ماجاش




ساعة ماجاش
واخيرا دخل محمد الصيدلية
ولاحول ولا قوة الا بالله

مذهول ووشه منفوخ وبيبصلى

سالته وكنت لسه جاية
"اتاخرت ليه يامحمد ؟
انا اسف يادكتورة عبير بس ..... اصل
"وشعرت بان هناك كارثه ملامح وشه كانت بتقول كدا

"خمنوا ايه ممكن يكون حصل مع محمد


يوميات الحل "اتاخر محمد ليه "


داخلى صيدلية
محمد واقف على الباب ومعاه الاوردر الى ب820جنيه تقريبا
"دكتورة الشفت ماسكاه التليفون بترد على الزبون الى بيستعجل الاورد ر
دكتورة الشفت شاورت لمحمد"اجرى يامحمد الزبون مستعجل "

اللقطة التانية خارجى شارع

خرج محمد مستعجل علشان يلحق الزبون
راح عند العمارة ولسه هيطله لقة واحد بينادىله من العربية
"انتو الصيدلية "
محمد "ايوا كويس انى لحقت حضرتك "
الزبون يتفحص الدواء وبزهق كبيروضعه فى العربية قاله اففففف
معاك باقى
محمد "لا
الزبون جبت المضاد الحيوى
محمد لا بس حضرتك ثانية واحدة

اللقطة الثالته "داخلى صيدلية "
عاوز المضاد الحيوى يادكتورة
وعاوز باقى 1000جنيه

اللقطة التالته خارجى شارع
محمد بيجرى للعربية عند الزبون
الزبون _الحمدلله هات المضاد
محمد اتفضل
الزبون معاك الباقى
محمد اه اتفضل
الزبون يتفحص المضاد "وقال بزعيق جامد قوى "انت مجهزتش المضاد الحيوى ليه "
محمد "اسف "

اللقطة الرابعة داخلى صيدلية
حضرى المضاد الحيوى يادكتورة
دكتورة الشفت حاضر يامحمد
ومحمد خارج من الصيدلية
محمد "دعبير ازاى حضرتك "
د عبير رايح فين يامحمد "
محمد مسرعا "رايخ اودى اورد


اللقطة الخامسة
محمد وصل للعربية
ملقاش العربية

بيدور على الزبون
ضاع الزبون

سال البواب
مايعرفوش البواب

سال الجيران
محدش يعرفوا

راح الزبون
وراح الدوا ابوا820جنيه

وراح باقى الالف 200جنيه الفكة


وفات الوقت ومحمد قاعد على الرصيف مش عارف يييجى ولايعمل ايه

نصاااااااااااااب

يوميات "

لقطة "ليل" داخلى

بعد كام يوم
داخل الزبون للصيدلية يوم الجمعة بردو

"انا كنت واقفة ورا الستاندد وماشافنيش
الزبون لدكتور الشفت " دكتور عيد ازيك
دكتور الشفت "الحمد لله"
"وقال دكتور الشفت لنفسه "ايه عيد دا انا اسمى مش عيد " الراجل دا غريب قوى "وضحك فى نفسه وقال عيد عيد انا يهمنى
الزبون "عملت ايه مع لبدكتورة يادكتور
دكتور الشفت بص ناحيتى وابتسم وقال بتلعثم واضخ "الدكتورة اصلها رحت طالعة من ورا الاستاند علشان يشوفنى
قلت له موجهه له الكلام "ازاى حضرتك "
الزبون "انا اشتكيتك لصاحب الصيدلية ووصيته انه مايقطعش عيشك انا مش بقطع ارزاق
قلت له وانا اغالب نفسى لامنع ضحكى "حضرتك انا د عبير صاحبة الصيدلية "
الزبون غير مصدقا "صاحبة الصيدلية مش الدكتور عيد ونظر لدكتور الشفت
دكتور الشفت هز راسه مبتسما علامة النفى مشيرا لى كانه يقول هى دى د عبير صاحبة الصيدلية
الزبو"اخذ كارت للصيدلية ليتاكد من ان الاسم عبير وليس عيد
ولمل تاكد نظر الى وبدا يبتسم ويتلعثم ويضحك ووضحك د الشفت ووضحكت انا
وفضلنل نضحك كلنا لحد الزبون مااقل وهو يمسح دموعه من الضحك
انا اسف يادكتورة عبير "
ومنذ ذاك اليوم كل مايشوفنى يبتسم ويقولى ازيك يادكتورتنا واى حاجة بيطلبها بنعمل

الزبون اشتكانى لصاحبة الصيدلية الجزء التانى

يوميات "الحل"

جاء يوم الجمعة
انا بنزل يوم الجمعة اصبح ولان الصيدلية قدام الجامع فبيبقى فيه شغل بعد صلاة الجمعة
بعد الزحام ماخلص لقيته داخل الصيدلية
كان دكتور الشفت واقف والعمال "دكتور خاص ليوم الجمعة مش بيظهر الا يوم واحد فى الاسبوع
ودخل الزبون مكشر عن انيابه
جريت دخلت جوة فى المخزن ودار الحوار التالى

الزبون"لو سمحت يادكتور "
دكتور الشفت "افندم
الزبون "انا جاى لحضرتك مخصوص لانى عارف انك بتنزل يوم الجمعة بس"
دكتور الشفت انا تحت امرك"
الزبون "والله فى دكتورة من يومين كنت بكملها وبقولها راجعيلى علبه الدوا بكل هدوء ولقيتها اضايقت وقالتلى خذ فلوسك مع انى مكنتش عاوزة اخذ فلوسى وكنت عاوزة علبة تانية لكن هى اصرت وانا مشيت مضايق
يادكتور انا بحب ان الصيدلية وخايف عليها انصحك نصيحة لله يادكتور اختار الناس الى انت بتشغلهم
ودى كدا هطفشلك الناس لولا انى بحب اصيدلية مكنتش جيت اقولك
دكتور الشفت " كان يوم ايه دا ...

وعند هذا القدر لقيت نفسى بضحك وبعدين طلعت برة ووقفت قدامه
"الزبون شاور لدكتور الشقت "بعينه على ان هى دى
دكتور الشفت "شاورله بعينه بردوا وهو يمسك نفسه "هى دى ؟
الزبون شاوله " ايوا
دكتور الشفت "ضخك وخاول يمسك نفسه وماقدرش
الزبون "اخذ دكتور الشفت على جنب وقاله"انا مش بقطع رزق حد .علمها الفت نظرها ان الزبون على حق "
وغادر الصيدلية ومشى وقد شفى غليله

وطبعا فضلت اضحك انا ودكتور الشفت لحد تانى يوم

الغريب فى الامر ان الزبون دا دلوقتى واحد من اهم الزباين الحلويين قوى فى الصيدليه

وطبعا مش هقولكوا هو عرف ازاى ان انا د عبير وعمل ايه لما عرف ؟؟؟؟

الزبون اشتكانى لصاحبة الصيدلية

النهاردا
يوم جديد واحداث جديدة
الدكتور الوخيد الى قاعد فى الشارع هو الدكتور الصيدلى معرض للجمهور
والمشكلة فى مدينة نصر ان كل الناس دكاترة وفاهمة كل حاجة
الوحيد الى مش بيفهم حاجة هو الدكتور الصيدلى
ايه رايكو نسمع الموقف دا

دخل زبون جارنا
-د عبيرانا عاوز ارجع ازازة الدوا دى

دعبير_عاوز ترجعها ليه ايه المشكلة

-انا فتحت علبة الدوا لقيتها صايصة

دعبير - ااااه كان لازم ترج الازازة قبل الاستخدام
"ورجييييت الازازة بقت زى الفل "
لا انا عاوز ازازة تانية

اى ازازة تانية هتبقى زى دى بالظبط وترجعها زى دى ماهى هى
-لا انا عاوز ازازة تانية
>عبير - معليش طب حضرتك الازازة بمبلغ32 جنيه مش عندى استعداد اخسر ازازة تانية حضرتك اتفضل فلوسك

وطبعا كل النقط كلام مايتقالش وزعيق وتهزىء لحد ماقال "انا هجى مخصوص يوم الجمعة واشتكيكى لصاحبة الصيدلية "

ياترى تفتكؤو ايه الى حصل بعد كدا واشتكانى ازى ولميييييييييين

تيجوا تخمنوا والى هيعرف له جايزة من جوة الصيدلة

العيد جانا العيد

 العمال والمساعدين
كبير العمال
محمد تامر
مصطفى الصغير
ابراهيم ااسماعيل
مصطفى الكبير

الصيدلية شغاله 24 ساعة

وهبدىء يوم فى اليوميات مع اخر ايام شهر رمضان المبارك

محمد تامر ايه اخبار العيد
د عبير \ عاوز ايه يامحمد
محمد \ عاوز اول يوم وتانى يوم
د\عبير اتفق مع اصحابك فى لصيدلية وهاتولى جدول اتنين يعدوا واتنين يسافرو اجازة
محمد - حاضر يادكتور
ذهبت للبيت

ترررررررررررن ترررررن

ابراهيم الو
ايوا يابراهيم
انا الى عاوز اجازة يادتورة اول يوم وتانى يوم انا اتفقت مع امى وفاتحة ابن خالى وماقدرش ماروحاش وبعدين اصل امى مسافرة معاةى و ----
وقاطعته _ ابراهيم اتفق مع اصحابك المهم يفضلو اتنين فى العيد وماحدش يتصل بى تانى فى الموضوع دا والا هلغى الاجازات فى العيد
ابراهيم -حاضر يادكتور
وبعد ساعة ____
ترررررررررررررررررن تررررررررررررررررن

دعلاء كل سنة وانتى طيبة يادكتور
دعبير وانت طيب يادكتور
دعلاء ايه نظام العيد
دعبير اول يوم اجازة انا الى نازلة ومن تانى يوم العيد الستاف كله نازل الشغل عادى
د علاء لا طبعا انا مش هقدر انزل تانى يوم اصل ف رح ابن بنت خالة ام صاحبى وانا مش هقدر ماروحش
وطبعا رديت بنرفزة جامدة انت عاونى انزل اول يوم وتانى يوم على العموم ان كان دا يرضيك اعمل الى انت عاوزه وطبعا الدكتور علاء خد اجازة اول وتانى يوم العيد وانا قعدت فى الصيدلية ولما رجع بيقولى انتى زعلانة منى ليع حضرتك قولتى لى اعمل الى انت عاوزه وانا عملت زى ماقولتى

يوميات صيدلية: مصلحة الضرايب

يوميات صيدلية: مصلحة الضرايب

يوميات صيدلية: منتى بتكسبى فلوس قد كدا ؟؟؟

يوميات صيدلية: منتى بتكسبى فلوس قد كدا ؟؟؟

منتى بتكسبى فلوس قد كدا ؟؟؟

هههههههههه
لا يهيالى سوق خضار واحنا واقفين بنبيع  اتنين كيلو طماطم  .... وعلى ايه نجيب سيرة الطماطم  ماهى بقت مجنونة   .....
 فصال فى الصيدلية ......
 احنا المصرييين مبقاش  حد مايفاصلش  حتى فى سعر الدوا اللى الحكومة محددة تسعيرته .... ومديانى حق فى الربح .. والربح حلال
بس الزباين لهم راىى  تانى

الزبون يدخل يقولى ... عاوز الدوا الفلانى ؟؟

اتفضل ؟؟

عاوز خصم 15 فى المية

 يانهار .. يانهار ؟؟؟
 ايه  هتديهولى ولا اروح اى صيدلية تانية .. فيه مليون صيدلية غيرك .... تدينى الدوا وبياى خصم اطلبه

... بس انا قلت انفعكم .. علشان انا بحب الصيدلية ... هااااا هتعملو الخصم ولا لا ...

.. اممم لا الحقيقة 15 فى المية كثييير قوى قوى ... مش هينفع

يعنى انتى عاوزة تددينى كام ؟؟؟؟

.. اديم تلاتة فى المية وتبقى بخسارة لان الدوا مستورد   وخصمه قليل اصلا

-- بطلى الكلام ده .. انتو بتكسبو بالهبل  .؟..... لا انا هاخد 10 فى المية

__ لا مش هينفع
 طب  ادينى ستى فى المية

- ماشى امرى لله

_ اتفضل الدوا  ..

- اتفضلى الفلوس  .. بس معليش الفلوس ناقصة 10 جنيه ..... ممعيييش
- معقول كدا .. حضرتك كدا واخد الدوا ... ب16 فى المية وهو خصمة 12 بس ...
يعنى بخسارة ..

-طب وايه يعنى .... هو انتى لازم تكسبى منى ... منتى ... بتكسبى فلوس قد كدا   ايه يعنى متكسبيش المرة دى

-   اعوذ بالله ... .. بس على العموم انا اتفقت معاك على خمسة فى المية ... والناقص ده يبقى لى

- لااااااااااااااااا يبقى لكى ليه .... انتى هتفرق معاكى يعنى العشرة جنيه  .. مش هتفرق معاكى خالص ....
اتقى الله بقى  فى واحد زىىىىىى

-  سبحان الله .. مين اللى يتقى الله 
.. اقولك ... انا معنتش  هتعامل معاكم تانى

ايوا استهبال .. وان كان عجبك يادكتورة

احم .. طبعا انتم عارفين الاستهبال

الاستهبال ان واحد يجى يشترى حاجة ويستخدم نصها وبعدين بكل بجاحة   ييجى يرجعها

ده فى حد ذاته استهبال

لكن لو كان علبه كريم شعر رخيصة بتمانية جنية  وحاطط نصها على شعره

وعاوز يجىى يرجعها  بردو

طب .. ازاى ارجعهالك ؟؟؟

رجعيها للشركة  ؟؟

العلبة مشتخدمة ازاى الشركة هترجعها ؟؟

مش هينفع

... برق وزنجر وهاح وماج ... ومشى

تانى بوم  ....

جهاز حماية المستهلك جاى فى الصيدلية يقولنا  رجعو علبه الكريم للراجل 

ادوله فلوسه ....

يالهويز ...

"اظن ان الناس كلها بتستخسر فى الصيدلية اللى صاحبتها ملتزمة الربح  ؟؟؟
ولما اقول لا؟  العلبة مترجعش  لاضرر ولاضراار

يقولى  .. انتى ملتزمة انتى ؟؟؟؟

صيدلية ولا محل جزم

مشكلة الناس انهم بيدخلو الصيدلية اليومين دول وهمة فاكرين  انهم داخلييين محل جزم  ....

  يعنى  فاكرين المحلات المحترمة بتاعة الجلود   لما الجزنة او الشنطة تبوظ ..

. يقوم يغيرهالك حتى لو فات عليها سنتين
 بس التعامل فى الصيدلية  المفروض  انه مختلف ... للاسفالناس مش فاهمة ده

الناس مصرة  تتعامل مع  مع الصيدلية على انها محل جزم

  ينفع ترجع الدوا  اصقد الجزمة بعد الاستخدام

ولو اتكلمتى ولاقلتى بم

يبقى تانى يوم جهاز  حماية المستهلك فوق دماغك 

ايه حكاية جهاز حماية المستهلك دى ياولاد ؟؟؟

اصلك مرضتيش يادكتورة ترجعى علبة كريم  فيانسيييه  الللى  بتمانية جنية وخمسة وسبعون قرشا  ... للراجل اللى كل ماياخد حاجة يفتحها  وييجى يرجعها ...

اه علبة الكريم  ... ماهو كان فاتحها .. وواخد نصها ؟؟؟ كنت ازاى هرجعها  يعنى هو استهبال

انتظرو  ...... جهاز حماية المستهلك

ومسكت انا الشفتين

اول لقطة "داخلى صيدلية

1. دكتور الشفت اتصل بالدكتورة الى بتتدرب
2. الدكتورة الى بتتدرب ماردتش على دكتور الشفت
3. دكتورة الشفت سالت الدكتورة الى بتتدرب "انتى ليه مش بتردى على دكتور الشفت
4. الدكتورة الى بتتدرب قالت لدكتورة الشفت "انا مش عاوزة ارد عليه لانه عاوز يتقدملى وانا رافضاه

تانى لقطة

داحلى برده "دكتور الشفت يدخل الصيدلية "

1. دكتور الشفت سال الدكتورة الى بتتدرب "مابترديش على ليه"
2. الدكتورة الى بتتدرب ماردتش على دكتور الشفت وبكل ادب اخدت شنطها وسابت الصيدلية
3. دكتورة الشفت قالت لدكتور الشفت بكل ادب "كدا كخ"

"

وقامت خناقة بين الدكتور والدكتوورة وسابوا الصيدلية ""ومسكت انا الشفتين"

دكتور الشفت والدكتورة اللى بتدرب

النهاردا

كان عندى دكتورة بتتدرب
بنت ناس حلوة وواخدةة الموضوع جد
انا عندى بحب ادرب الطلبة ومابردش حد
وفات شهرين

كنت فى المركز ورن الموبيل "الحقينا يادكتورة "
"مالكو فى ايه"
فيه خناقة فى الصيدلية "
خناقه ياساتر يارب
وطبعا رحت الصيدلية جرى وانا بدعى ربنا يبقى مافيش تكسير ولاضرب ولاحاجة من دى

واول مادخلت لقيت دكتور الشفت بتاع الصيدلية
-يادكتورة انا مش عاوز اشتغل انا هسيب الشغل

-ليه يادكتور هتسيب الشغل دنتا ابن الصيدلية ومتدرب فيها 3سنين وايه اللى حصل؟

-اتارى دكتور الشفت بيتخانق مع دكتورة الشفت وبيزعقوا ا لبعض فى الصيدلية

-ايه يادكتورة مالك بتزعقى ليه ؟

-وطبعا قالت وهى بتعيط ادكتور اتخانق معاى والعمال حاشو عنى


رحت مزعقة فيهم كلهم مرة واحدة "وطبعا هم بيخافو منى موت" وقلت بعنف شديد "ايه الحكاية ؟
-الدكتور ساب الشفت ومشى
والدكتورة دخلت جوة وقعدت تعيط"

وماحدش رادى يرد على

"مع انهم بيخافوا منى بجد"

وساب الدكتور الصيدلية وسابت الدكتورة الصيدلية

وانا مش فاهمة ة حاجة

واخيرا فهمت
تحبوا تعرفوا هم اتخانقوا ليه؟


طب ماتخمنوا كدا ايه الى ممكن يكونو اتخانقوا عليه؟؟؟؟؟

المرهم الاصفر

النهاردا
دخلت زبونة على قد حالها قوى ودمها خفيف موت
-يادكتورة
-نعم
- انا عاوزة المرهم الاصفر الى بيتحط على الجروح
-مرهم ايه الى اصفر العلبة صفراء قصدك كيناكومب مثلا
-وريهونى كدا لا مش دى يادكتوره المرهم لاصفر الى الدكتور فى المستشفى حطه لى الجرح بتاع الواد لما وقع من الدور ااول
عمله عرزتين فى دماغه وغيرله على الجرح وحطله المرهم الاصفر
-لا انا معرفش ايه هو المرهم الاصفر من جوا دا هاتيلى اسمه اوشكل اعلبة او ثمنه على الاقل
-انتى دكتورة ؟ هى فين الدكتورة
- انا ياستى الدكتورة
ازاى تبقى دكتورة ومش عارفة المرهم الاصفر الى بيتحط على الجرح

خناقة عل الماشى

بعد الافتتاح... تانى يوم الصبح بنقول ياهادى  ... والحياة جميلة والدنيا تفائل  ..... ولسة   بنصبح على بعض

وفجاءة   الحى فى الصيدلية ......

 ايه اللى انتو عاملينو ده  ؟؟؟؟؟؟

عاملين ايه ياولاد  ؟؟ همة بيقفشوا فى الى بيفتحو صيدليات   ولا ايه ؟؟؟

فين الدكتورة  بتاعتكم ؟؟؟؟

يانهار اسود دول قصدنى انا ؟؟؟؟؟


 نعم   انا قلت بكل الاطة  ؟؟؟؟؟

  جيارنكم اشتكو منكم   .؟

جيرانا .. هو احنا لسة بقى لينا جيران  ... ايه الموضوع وانتم مين ؟؟


احنا االحى  وهنزلكم اليافطة  ؟؟؟

الجار اللى فوقيكم اشتكى من ان اليافطة جاية على البلكونة بتاعته ... وكدا هتبقى منط
لازم تنزل اليافطة  يوم السبت  .. والا ... تتصالحو احسن ؟؟؟

ماشى انا هتكلم معاه   .. ان شاء الله   وهصالحه ...

 ياعم الحج.... "بعد صلاه العصر   ناديت جارنا "
" نعم "
" ليه عاوز تنزل اليافطة "
" انتو عملتوها من غير اذنى "
" لا احنا استاذناك  وقلتلنا ساعتها ماشى  بس اعملولى خصم 10 فى المية "
"ايوا بس انتو معملتوش الخصم "
"هو احنا كنا لسة اشتغلنا  "
" طيب انا هسحب الشكوى "

دى مكانتش خناقة .... ولامشكلة خالص ... دى  حاجة  هادية خالص .....بالمقارنة  بالاحداث اللى بتحصل فى الصيدلية
 دى كانت خناقة بسيطة كدا على الماشى

مصلحة الضرايب

طبعا احنا بنروح مصلحة الضرايب واحنا حاطين ايدينا على قلبنا وخصوصا لما نبقى رايحين نفتح مشروع  تجارى ...
فى مصلحة الضرايب  حسيت انى .....  احم ولاحاجة ..... حسيت  فعلا انى ولاحاجة فى البلد دى ...

مش عارفة ليه كان فيه موظف مضطهدنى ..... ليه معرفش  ؟

مع انى رايحة اعمل ورق الضرايب  ......

 انتى دكتورة انتى ؟؟؟؟

ايوا انا دكتورة ...

مش عارفة هو لوى بوزه ساعتها ليه ... وفضل راكنى لحد لما الناس كلها مشيت   .... ولما الناس مشيت 
كلمت واحد تانى غيره وقلت له معليش بقالى كثير واقفة عاوزة امشى  ....
شاورلى على الموظف اياه .. وكلمه " شوف الانسة ياجمال "
رد عليه  جمال " لا....

وقال لى " اصل انا مستقصدك "
قلت" مستقصدنى ..؟؟؟؟؟؟ ليه كدا ؟؟؟؟

"اهو .. اصلى انا معقد "
ونظرت اليه دون ان اتكلم
فاغتاظ اكثر منى .... وقال لى

" النهاردا  نص يوم والدوام خلص .. تعالى بكرة "
"قلت منت موجود اه وانا واقفه اهو ومعاى الورق "

... ولكنه كان قد قام ومشى ...

ووقفت انا على السلم .... ابكى ....

 السلم الى انا بكيت عليه  كان
سلم مصلحة الضرايب

انا اتبهدلت

قبل مافتح الصيدلية ... كان فى الاول لازم ابدا اعمل ورق الصيدلية  ...

 ودى كانت مشكلة  جامدة قوى .؟؟؟

ليه ؟؟

لانى احتكيت ولاول مرة فى حياتى .. بالروتين  ...وبالادراج اللى بتنفتح وبتنقفل

ولانى مكنتش فاهمة حاجة ..... فلفيت على كعوب رجليا .... المشوار اللى يخلص فى يوم  معايا كان ياخد اسبوع

لحد لما فهمت  قصة الادراج ؟؟؟


مشكلة تانية  ..

انصدمت لما  لقيت ان معظم الناس فى مصر عندهم مشكلة نفسية مع الدكاترة  .. واول مابيلاقو دكتور  واقف مستنى انهم يحنو عليه ويعمله له ورقه   .. لازم يبهدلوه الاول .. قبل مايعملولو حاجة

وهكذا  ...

من قبل مافتح الصيدلية ....  ياولاد ....

انا اتبهدلت

تعريف ورغى

انا الدكتورة بيرى .. اعرفكم بنفسى  ....

 صيدلانية ...... اممممم  وطبعا انا بشتغل  ....  وعندى صيدلية صغيرة ..  زى اى صيدلية ممكن تشوفوها فى الشارع وانتو ماشين فى طريقكم عادى .... من غير متاخدو بالكو منها ....

جوة الصيدلية  .... دى فيه عالم تانى من الاحداث  ....

يمكن عمركم مافكرتم انكم  تعرفو ايه اللى بيحصل جوة الصيدلية ...

ياترى فيه مشاكل ؟؟؟؟؟

 فيه خناقات ؟؟؟

فيه ناس  ؟؟؟

طبعا  فيه احداث كثير جدا  .......

كلها حلوة ..... او كلها وحشة  ؟؟؟؟؟؟

 انا هقولكم  .....

افضلو معاى فى الصيدلية  .. وانا هعرفكم على كل الاحداث  اللى ممكن متتخيلوهاش بتحصل ..... فى الصيدلية

زباين وماادراك مالزباين ....
 زباين مدينة نصر .. وماادراك مازباين مدينة نصر  .....

 عمال  ومندوبين وشركات ..... وحسابات ....
وطلبيات ..... وصيادلة  ..... وعمال ..... وعمال وعمال ....


طبعا الصيدلية اللى انا قاعدة فيها مختلفة  عن الصيدلية اللى قاعدة فيها الدكتورة علا عبد الصبور فى مسلسل عاوزة اتجوز .... لكن ..... صيدليتى ليها العجب ؟؟؟؟...

تعالو معايا   يوم بيوم  نعرف ايه الى بيدور فى الصيدلية